Галоўнай падзеяй Беларускага еўрапейскага форуму, які адбыўся ў Мінску 14 ліістапада, стала заява Аляксандра Мілінкевіча пра тое, што ён гатовы ісці ў прэзідэнты.
Гэтая заява чакалася, асабліва ўлічваючы (!) выказванні арганізатараў форуму, што на на ім не будзе вылучацца кандыдат на прэзідэнцкую пасаду. Ініцыятары правядзення БЕФу не сталі гуляцца ў фармальныя камбінацыі - лідэр руху "За свабоду" будзе браць удзел у выбарах. Хаця пры жаданні можна было арганізаваць прыгожую карцінку з вылучэннем кандытата Мілінкевіча па просьбах працоўных дэмакратыі.
Ужо адное гэта дае спадзеў дэмэлектарату на тое, што нешта ў паводзінах апанентаў Аляксандра Лукашэнкі змянілася. Мінімум - у бок пазбягання фармальнасці. Хаця перамога Мілінкевіча будзе суперсенсацыяй. Аднак ён і не абяцае, што выйграе. Хаця абнадзейвае, што шанцаў болей, чымсьці ў 2006-м.
"Калі з’явіцца чалавек, якога падтрымае большасць апазіцыі, у якога будзе выдатная праграма і каманда, я стану побач і буду выконваць любую працу, якую мне дадуць. Разам з тым кажу, што я гатовы ісці на выбары, бо маю на гэта сілы і досвед", - заявіў Мілінкевіч. "Мне не цікава гуляць у палітыку, я хачу перамагаць, а шанцы перамагчы ёсць", - кажа ён.
"Не будзе той атмасферы запалохвання, якая была ў 2006 годзе", - верыць палітык..
Мілінкевіч лічыць, што байкот - на шкоду: "Калі мы не пойдзем на выбары, то ўладзе не трэба нават фальсіфікаваць выбары, тым самым мы легімітызуем уладу".
БЕФ у выніку стаўся мерапрыемствам у падтрымку Мілінквіча. І зважаючы на яго намер балатавацца, ацэнка форуму будзе давацца не вось зараз па яго правядзненні, а па выніках таго, як руху "За свабоду" і ягоным партнёрам удасца мабілізаваць на актыўную дзейнасць тых, хто быў дэлегатам...
Па інфармацыі "МЫ" Аляксандр Мілінкевіч насамрэч да апошняга часу вырашаў ці браць удзел у прэзідэнцкіх выбарах у якасці суперніка Аляксандра Лукашэнкі. Паколькі на Беларускім еўрафоруме фактычна пачалася ягоная выбарчая кампанія, можна зрабіць выснову наконт таго, што і лідэр руху "За свабоду", і ягоныя паплечнікі перакананыя, што за час, які застаўся да выбараў, ніхто з апазіцыйных палітыкаў не здолее абысці яго ані па рэйтынгу, ані па вядомасці.
Лозунг атрымаўся сам сабой просты: лепш Мілінкевіч, чымсьці кандыдат у межах статыстычнай пагрэшнасці...
Кірыла ПАЗНЯК
Комментарии
18.11.2009 21:17Депутат Европарламента призвал белорусскую оппозицию «искать диалога с властью у себя дома, а не в прихожей Европейского Парламента».
Для любопытных: http://rus.delfi.lv/news/daily/politics/mirskij-belorusskoj-oppozicii-nechego-iskat-v-ep.d?id=28093623
15.11.2009 22:17Дезертировал с EURO-форума, не дожидаясь обеда. Страшно же: грипп, а при таком стечении народа — одна-две марлевые повязки! А так хочется еще посмотреть на братание политических поколений в палаточном таборе на Октябрьском майдане, на омоновцев, раздаривающих «братьям и сестрам» апельсины и оранжад. Потому и сбежал. Простите, герои!